Ceir cymhareb o 1 oedolyn i bob 4 plentyn. Mae pob ymarferydd gofal plant yn gymwys i Lefel 3 o leiaf, a llawer o’n staff wedi cymhwyso i Lefel 5. Rydym yn meithrin partneriaethau cadarnhaol gyda rhieni, gan roi cymorth a chyngor ar dwf a datblygiad eich plentyn, gan gyfathrebu â rhieni drwy gydol y dydd trwy’r Ap Seesaw. Mae’r tîm yn cael ei arwain gan Uwch Nyrs Feithrinfa.

Anogir y plant yn ystafell y Pili Palas i gyfathrebu, chwarae gyda’i gilydd, a dysgu sut i fynegi eu hunain. Rydym yn darparu ystod eang o deganau ac mae ein gweithgareddau’n amrywio. Maent yn cynnwys gludo, paentio, chwarae gyda thywod a phobi. Rydym yn annog y plant i archwilio ac arbrofi trwy chwarae creadigol a gweithgareddau awyr agored, i dyfu a datblygu.