Ym Meithrinfa Toybox, rydym yn dilyn Cwricwlwm i Gymru gyda diddordebau plant yn ganolog i’n dysgu. Rydym yn cynnig cyfleoedd gwerthfawr i ddysgu trwy chwarae, archwilio a darganfod gan gefnogi datblygiad, hyder ac annibyniaeth pob plentyn.

Rydym wrth ein bodd gyda’r awyr agored! Mae mynediad uniongyrchol o’n hystafelloedd i lefydd chwarae tu allan yn galluogi plant i fwynhau yr awyr iach, i fod yn heini ac i archwilio trwy gydol y dydd. Mae plant yn gallu dringo, rhedeg, rholio, balansio a darganfod trwy ystod eang o brofiadau sy’n eu helpu gyda’u datblygiad corfforol a’u llesiant.

Rydym hefyd yn defnyddio’r ap Famly i  hysbysu teuluoedd o’r hyn sy’n mynd ymlaen trwy rannu’r newyddion diweddaraf am brofiadau plant, yr hyn maen nhw’n ei ddysgu a’u cyraeddiadau.